"Shaxtyor" bosh murabbiyi Marino Pushich klubning xalqaro maydondagi, xususan, Chempionlar ligasidagi natijalari va g‘alabalari muhimligi haqida gapirdi.

"Biz Ukraina haqida, hozirgi vaziyat haqida, qanday yordam ko‘rsatishimiz haqida ko‘p gapiramiz. Bu ham bizning motivasiyamizning bir qismi edi.

Chempionlar ligasidagi g‘alabalar Ukraina haqida butun dunyoga yana bir eslatma bo‘ldi", - dedi Pushich ua.tribuna.com bilan suhbatda.

Eslatib o‘tamiz, "Shaxtyor" guruh bosqichining so‘nggi turida "Portu"ga qarshi o‘yinda mag‘lub bo‘lgach, Chempionlar ligasi pley-off bosqichiga chiqa olmadi. Uchrashuv Portudagi "Dragau" stadionida bo‘lib o‘tdi va 5:3 hisobida mezbonlarning g‘alabasi bilan yakunlandi. Shu tariqa, Ukraina klubi Yevropa ligasining 1/16 final bosqichida ishtirok etadi.