"Nyukasl" bosh murabbiyi Eddi Xau Liga kubogi chorak finalida "Chelsi" bilan o‘yinda jamoa sardori Kiran Tripyerning halokatli o‘yiniga izoh berdi.

Eslatib o‘tamiz, angliyalik futbolchi 1:0 hisobida jamoasi foydasiga hal bo‘layotgan bahsda zaxiradan maydonga tushgandi.

So‘nggi daqiqalarda Tripyer xatoga yo‘l qo‘yib, “Chelsi”ga hisobni tenglashtirish imkonini berdi. O‘shanda Kiran o‘yindan keyingi seriyada penaltini amalga oshira olmadi.

“Nyukasl” yakunda Liga kubogidan chiqib ketdi.

"Kiran bizga ko‘p narsa berdi, ammo endi uni qo‘llab-quvvatlash vaqti keldi. Uning transferi biz uchun juda muhim edi, chunki u kiyinish xonasini birlashtira oldi.

Tripyer bizning eng yaxshi o‘yinlarimizning yuragi edi", dedi Xau matbuot anjumanida.