"Aston Villa" bosh murabbiyi Unai Emeri Kleman Lenglening muhimligini yana bir bor ta’kidladi.
"Barselona"ga tegishli bo‘lgan fransuz futbolchisi Premyer-liganing joriy mavsumida 18-turga qadar bir daqiqa ham o‘ynamadi va bu uning ijara muddatidan oldin bekor qilinishi haqida gap-so‘zlarga sabab bo‘ldi. Yaqinda vaziyat o‘zgardi, 28 yoshli futbolchi ketma-ket uchta o‘yinda maydonga tushdi va Emeri uni o‘z rejalarining ajralmas qismi sifatida ko‘radi.
“Langle - haqiqiy professional. U hattoki dam olish kunlarida mashg‘ulotlarga kelib qo‘shimcha mashg‘ulotlar olib borgan. Men Klemanga undan juda mamnun ekanligimni aytdim. Hozir u jamoaga juda kerak. Biz yozda ijara bo‘yicha kelishib oldik va bu borada hech narsa o‘zgarmadi", - dedi birmingemliklar bosh murabbiyi.
