"Al-Ahli" "Bavariya" yarim himoyachisi Yozua Kimmixni o‘z safiga jalb qilish umididan voz kechmayapti.

Saudiya klubi bir necha hafta oldin 28 yoshli futbolchini o‘z safiga qo‘shib olishga qiziqish bildirgan va hozirda jurnalist Rudi Galettining so‘zlariga ko‘ra, ular transferga faol intilishda davom etmoqda.

Biroq, manbaga ko‘ra, "Bavariya" o‘z qarorini o‘zgartirishi dargumon: Myunxen rahbariyati yarim himoyachini saqlab qolishga qattiq bel bog‘lagan va qishki transfer oynasida u bo‘yicha muzokaralar olib bormoqchi emas.

Yozua Kimmixning "Bavariya" bilan shartnomasi 2025 yilgacha mo‘ljallangan. Transfermarkt ekspertlari futbolchini 75 million yevroga baholamoqda.