"PSJ" xo‘jayinlari Luis Enrikening o‘yin uslubiga moslasha olmagan portugaliyalik hujumchi Gonsalu Ramush bilan bog‘liq vaziyatga izoh berishdi.
L'Equipe xabariga ko‘ra, bugun "PSJ" rahbarlari ushbu transfer oynasida Gonsalu Ramushning ketishi ehtimoli yo‘qligiga ishontirishgan. Biroq, Dohadagi ba’zilarning fikricha, agar portugaliyalik hujumchi uchun foydali taklif tushsa, klub shu oydayoq u bilan xayrlashishga tayyor.
Parijliklar bosh murabbiyi Luis Enrike Ramushni mavsumning eng muhim o‘yinlarida jamoaga yordam berishga qodir futbolchi deb hisoblamasligi haqida avvalroq xabar berilgandi.