Serbiyaning “Partizan” klubi yarim himoyachisi Matiya Popovich Italiyaning “Napoli” klubiga o‘tishga yaqin turibdi.
Eslatib o‘tamiz, 17 yoshli yarim himoyachi avvalroq "Bavariya"ning transfer maqsadi bo‘lgandi.
Jurnalist Fabrisio Romano xabariga ko‘ra, Popovich ayni damda "Napoli"da tibbiy ko‘rikdan o‘tmoqda, shundan so‘ng u klub bilan uzoq muddatli shartnoma imzolaydi va "Frozinone"ga 6 oylik ijaraga o‘tadi.
Manbaning ta’kidlashicha, "Bavariya" Popovichni qo‘lga kiritishga yaqin emas, ammo Myunxen klubidan serbiyalik futbolchiga jiddiy qiziqish bo‘lgan. Avvalroq yarim himoyachiga Italiyaning boshqa bir klubi - "Milan" ham qiziqish bildirayotgandi.
