“Inter” bosh murabbiyi Simone Indzagi A Seriya chempionligi uchun kurashdagi vaziyat haqida o‘z fikrlari bilan o‘rtoqlashdi.
“Salernitana” ustidan qozonilgan ishonchli g‘alabadan so‘ng (4:0) “neradzurrilar” turnir jadvalidagi peshqadamligini mustahkamladi va “Yuventus”dan ochkolari sonini 14taga yetkazdi.
“Futbolda hech qachon to‘liq ishonch hosil qila olmaysiz, diqqatimizni jamlashimiz kerak. Futbolchi sifatida imkonsizdek tuyulganda skudettoni qo‘lga kiritdim, chempionlik o‘z qo‘limizda bo‘lganida esa yutqazdim.
Men futbol bilan shug‘ullanmayotganimga ancha bo‘ldi, shuning uchun ham oldinda uzoq yo‘l borligini bilaman.
