Bukayo Saka Angliya Premyer-ligasi o‘yinlarida o‘zining golli seriyasini uzaytirdi. 22 yoshli vinger shanba kuni chempionatning 26-turida “Nyukasl” darvozasiga gol urdi.
Opta ma’lumotlariga ko‘ra, Saka deyarli 20 yil ichida Premyer-ligada ketma-ket besh yoki undan ortiq o‘yinda gol urgan "Arsenal"ning birinchi ingliz futbolchisi bo‘ldi. 1994 yilning kuzida Ian Rayt shunday muvaffaqiyatga erishgan edi.
"Nyukasl" bilan uchrashuv oldidan Saka "Byornli" va "Vest Xem"ga qarshi o‘yinlarda dubl qayd etdi, shuningdek, "Liverpul" va "Nottingem Forest"ni bir martadan xafa qildi.
