“Inter” o‘tgan yil davomida top-5 liga klublari orasida eng ko‘p mehmondagi o‘yinlarda g‘alaba qozongan jamoalardan biri bo‘lib turibdi.

Bugun “neradzurrilar” A Seriyaning 26-turi doirasidagi o‘yinda “Lechche”ni safarda mag‘lub etdi (4:0).

2023 yil boshidan buyon “Inter” chempionatda safarda 16 ta g‘alabaga erishdi – xuddi “Manchester Siti” kabi. Top-5 ligadagi boshqa hech bir jamoa bu davrga kelib safar o‘yinlarida ko‘proq g‘alaba qozonmagan.

26-turdan so‘ng “Inter” A Seriya turnir jadvalida peshqadamlik qilmoqda va “Yuventus”dan 9 ochko oldinda.