"Barselona" yangi bosh murabbiy izlashda davom etmoqda, lekin klub hali biror nomzod bilan bog‘lanmagan.

Xans-Diter Flik "ko‘k-anorranglilar"ning qisqa ro‘yxatidan joy olgan, ammo klubda bu mutaxassisga shubha bor. Sababi, Flik shu paytgacha faqat Germaniyada ishlagan va o‘ynagan. "Barselona" turli mamlakatlarda tajribaga ega murabbiyni taklif qilishni kutmoqda, deb yozadi Marca nashri.

Eslatib o‘tamiz, yanvarda "Vilyarreal"ga 3:5 hisobida mag‘lub bo‘lganidan so‘ng Xavi mavsum oxirida "Barselona"ni tark etish qarorini e’lon qilgan edi. So‘nggi kunlarda matbuotda Kataloniya klubi rahbarlari Xavini qolishga ko‘ndirish niyati haqida ma’lumotlar paydo bo‘ldi.