Angliya terma jamoasi himoyachisi Kiran Trippyer yozgi transfer oynasida “Nyukasl”ni tark etishi mumkin.

Caughtoffside nashri xabariga ko‘ra, ingliz klubi 33 yoshli futbolchini 20 million funt sterlingga sotish bo‘yicha takliflarni ko‘rib chiqishga tayyor.

Avvalroq Trippyer xizmatlariga Myunxenning "Bavariya" klubi qiziqayotgani haqida xabar berilgandi. Futbolchining o‘zi nemis klubining qiziqishi haqidagi ma’lumotdan hayratda qolganini aytdi.

2022 yildan buyon “Nyukasl”da o‘ynab kelayotgan himoyachi joriy mavsum Angliya chempionatida 36 ta o‘yinda ishtirok etib, 1 ta gol va 11 ta golli uzatmani amalga oshirdi.