Fransiyalik tajribali hujumchi Kevin Gameyro "Strasburg"ni tark etish niyatida.

Bu haqda L'Equipe nashri xabar bermoqda. Kevin may oyida 37 yoshga to‘ladi. Shu bois, u Elzas klubi bilan amaldagi muddati tugaydigan shartnomasini uzaytirmoqchi emas.

Taxminlarga ko‘ra, Gameyro faoliyatini davom ettiradi, ammo vatani Fransiyadan tashqarida. Umumiy hisobda Kevin «Strasburg» safida 167 uchrashuvda 43 ta gol urgan.

Joriy mavsumda hujumkor futbolchi barcha musobaqalarda 27 ta o‘yinda maydonga tushdi, biroq ularda atigi 5 ta gol va bitta golli uzatmani amalga oshira oldi.