Ansu Fati "Barselona"da qolishga umid qilmoqda.

Qanot futbolchisi hozirda mavsumni ijara asosida "Brayton"da o‘tkazmoqda.

Diario Sport xabariga ko‘ra, futbolchi o‘z klubiga qaytib, tarkibda mustahkam o‘rin egallashni istamoqda. Uning ishonchi komilki, mavsumoldi yig‘inlarda u Xavida o‘ziga ishonch paydo qila oladi.

Ansuning fikricha, 2024/25 yilgi mavsum uning "Barselona"dagi eng yaxshisi bo‘lishi mumkin. Qayd etilishicha, futbolchi klubni chin dildan qo‘llab-quvvatlaydi va o‘tgan yozda kataloniyaliklar bilan o‘ynamaslik uchun “Sevilya”ga o‘tishdan bosh tortgan edi.

Avvalroq "Barsa" qanot hujumchisini sotishni rejalashtirayotgani haqida xabar berilgandi.

Fati "Brayton" tarkibida 25 ta o‘yin o‘tkazib, 4 ta gol va 1 ta golli uzatmani amalga oshirdi.