Italiyada A seriyaning 36-tur uchrashuvlari bo‘lib o‘tdi, “Atalanta” “Roma”ni mag‘lub etdi, Sharl de Ketelare esa ikkita gol urib, uchrashuvning bosh qahramoniga aylandi.

Uchrashuvdan so‘ng jurnalistlar futbolchi bilan suhbatlashishga qaror qilishdi:

"Men maydonda xotirjamman va o‘zimga ishonaman, muvaffaqiyatning siri shunda. O‘ylaymanki, maydonda qanchalik o‘sganimni ko‘rishingiz mumkin.

Endi bizni ikkita final kutib turibdi va bu g‘alaba bizga kelasi yil uchun ishonch bag‘ishlaydi, biz Chempionlar ligasida o‘ynaymiz degan umiddamiz", - deya Sharl de Ketelarening so‘zlarini keltiradi forzaroma.info.