«PSJ» joriy mavsum «RB Leypsig»da ijara asosida o‘ynayotgan 21 yoshli yarim himoyachi Xavi Simons bo‘yicha yozda takliflarni qabul qilmaydi.
Parij klubi bu yozda niderlandiyalik futbolchini ijaraga berish uchun eshiklarni yopgan. Yaqinda «Barselona» futbolchini ijaraga olmoqchi ekanligi haqida xabarlar tarqalgandi.
Simons joriy mavsumda nemis klubi safida barcha turnirlarda 42 ta o‘yin o‘tkazib, 9 ta gol urdi va 15 ta golli uzatmani amalga oshirdi. Uning nemis klubidagi ijara shartnomasi 2024 yilning yoziga qadar mo‘ljallangan. "Transfermarkt" internet portaliga ko‘ra, futbolchining taxminiy narxi 80 million yevroni tashkil qiladi.
