Konor Gallaxer "Atletiko Madrid"ga o‘tishi mumkin.
AS xabariga ko‘ra, Madrid klubi yarim himoyachining ehtimoliy transferi bo‘yicha allaqachon "Chelsi" bilan bog‘langan va 20 million yevroga teng bo‘lgan ilk norasmiy taklifni bildirgan, biroq rad etilgan.
"Ko‘klar" 24 yoshli futbolchini sotishga tayyor, biroq 50 million yevro atrofida daromad olishni kutmoqda.
Bu miqdor "matraschilar" uchun juda katta, biroq muzokaralar biroz vaqtdan keyin davom etishi kutilmoqda.
Angliyalik futbolchini "Atletiko"ning sport rahbariyati ham, bosh murabbiyi Diyego Simeone ham yaxshi ko‘rishadi. Gallaxer keyingi o‘n yil ichida natija bera oladigan futbolchi sifatida ko‘riladi.
