"Napoli" haligacha o‘z yetakchisi Xvicha Kvarasxeliyani sotish niyatida emas.
Gruziyalik vinger Parij klubiga o‘tishga tayyor ekani, yaqinda futbolchining agenti va otasi uning boshqa klubga o‘tishidan umidvor ekanliklarini aytishgan.
Bularning barchasiga qaramay, insayder Rudi Galettining so‘zlariga ko‘ra, "Napoli" qat’iy - Xvichani sotib bo‘lmaydi.
"PSJ" 23 yoshli futbolchini qo‘lga kiritishdan umidini yo‘qotmayapti, ammo neapolliklar rahbariyati muzokaralar olib borishni istamayapti.
Buning o‘rniga ular Gruziya terma jamoasi yulduzini shartnomani uzaytirishga ko‘ndirmoqchi.
