Ispaniya terma jamoasi yarim himoyachisi Pedri Germaniya terma jamoasida o‘ynayotgan Antonio Ryudiger bilan bo‘lajak uchrashuv haqidagi savolga javob berdi.
5 iyul kuni ispanlar va nemislar Yevropa chempionatining yarim finali yo‘llanmasi uchun kurash olib boradi.
O‘yin arafasida jurnalistlar "Barselona" yarim himoyachisidan "Real" himoyachisi Ryudiger haqida qanday fikrda ekanligini so‘rashdi.
"Ryudiger juda kuchli, ammo biz undan qo‘rqmaymiz. Uning futbolchilarga zarba berishi hurmatsizlikdir. Bu og‘riqli va zerikarli", - deya Pedrining so‘zlarini keltiradi Madrid Xtra.
