“Atletiko” hujumchisi Alvaro Morata tez orada milanliklar libosini kiyadi.
"Rossonerilar" 31 yoshli futbolchining "matraschilar" bilan shartnomasida ko‘rsatilgan 13 million yevrolik tovon pulini faollashtiradi.
Hujumchining o‘zi allaqachon italyan klubiga o‘tishga rozi bo‘lgan. "Atletiko" prezidenti Yevropa chempionining sotilishi yaqinlashayotganini inkor etmadi.
"Morata "Milan"ga o‘tadimi? Shunga o‘xshaydi. "Atletiko"da qolishni istamagan futbolchilar uchun eshik ochiq.
Ammo bu holat bizni xavotirga solmoqda, chunki Alvaro - fantastik futbolchi va ajoyib inson", - deya Madrid klubi rahbari Enrike Seresoning so‘zlarini keltiradi Calciomercato.
