O‘zbekiston Superligasida ikkinchi davra ostonamizda turibdi. Barcha jamoalar yana bor e’tiborlarini chempionat o‘yinlariga qaratadilar.

Bizning “Andijon” jamoamiz yozgi yig‘inini reja asosida o‘tkazdi. Transfer oynasi paytida tarkibda o‘zgarishlar yuz berganidan xabardorsiz.

Jamoamiz seleksiyada ham barchasini obdon o‘ylab, rejalashtirgan holda ish olib bordi.

Yozgi transfer oynasida “Andijon”ni tark etganlar:

Suhrob Berdiyev
Shahboz Erkinov
Armin Boshnyak
Nodari Kavtaradze
Sherzod Esanov
Sunnatilla Abdullajonov
Demir Imeri

Oldin xabar berilganidek, ketganlar orasida Sherzod Esanov Rossiya Premyer-ligasi jamoasi – “Akron”ga transfer qilindi. Bu esa uchala tomon uchun ham foydali kelishuv bo‘ldi.

Yozgi transfer oynasida “Andijon”ga qo‘shilganlar:
Vagiz Galiulin - yarim himoyachi
Abinur Nurimbet – yarim himoyachi (Qozog‘iston)
Lyubisha Pesel – himoyachi (Serbiya)
Damir Temirov – yarim himoyachi
Ko‘rib turganingizdek, shartnoma imzolangan 4 nafar futbolchidan 2 tasi legionerlar hisoblanadi. Murabbiylar jamoa o‘yinini kuchaytira oladigan o‘yinchilarni taklif qildilar va ishonamizki, ular ikkinchi davrada “Andijon”ga yordam bera oladilar.

Yangi futbolchilar quyidagi raqamlarda o‘ynashadi:
№11 Vagiz Galiulin
№19 Abinur Nurimbet
№3 Lyubisha Pesel
№18 Damir Temirov

“Andijon” U21 jamoamizda ham seleksiya bir qator o‘zgarishlar kuzatildi. Jumladan, Asilbek Aysarov (OKMK), Xumoyun Xusanboyev, Oyatillo Obidjonov (“Neftchi”), Asad Habibullayev (“Qo‘qon-1912”) va Saidmurod Karimov (“Do‘stlik”) tark etishdi.

Shuningdek, U21 jamoasiga “Mash’al”dan O‘ktam Abdumalikov, “Andijon” U19 dan Ne’matilla Akbarov va Jamshid Ko‘paysinov, qolaversa, mahalliy hujumchi Nuriddin Nuriddinov ham o‘rinbosarlar jamoasiga jalb qilindi.