Supero‘rta vazndagi prof bokschimiz Odiljon Aslonov Rossiya Federasiyasining Yekaterinburg shahrida bo‘lib o‘tgan "RCC Boxing" oqshomida ringga ko‘tarildi.
Turnirda hamyurtimizga rossiyalik Sergey Goroxov raqiblik qildi. Sakkiz raund etib belgilangan jang to‘liq davom etdi va unda Aslonov 80:72, 80:72, 80:72 hisobidagi g‘alabasini nishonladi.
Bu 29 yoshli Odiljon uchun prof boksdagi 9-jangida qo‘lga kiritgan 8-g‘alabasi bo‘ldi. Uning hisobida bitta durang ham bor. Goroxov esa 26-jangidagi 9-mag‘lubiyatini qabul qilib oldi.
