"Barselona" hujumchisi Robert Levandovski La Liganing 1-turida "Valensiya"ga qarshi o‘yinda (2:1) ikkita gol urdi. U o‘yindan so‘ng quyidagi fikrlarni bildirdi.
“G‘alaba qozonish juda muhim edi. Birinchi 20-25 daqiqada unchalik yaxshi o‘ynamadik, ammo ikkinchi bo‘limda vaziyat ancha yaxshilandi. Yakunda o‘yinni nazorat qilib oldik.
Agar hujumda to‘pni yaxshiroq boshqarganimizda, uch-to‘rtta gol urishimiz mumkin edi, lekin eng muhimi g‘alaba.
Maqsadim gol urish. Mavsum oxiriga qadar ularning nechtasi menda bo‘lishini bilmayman, lekin ular ishonch uchun muhim", - deya o‘yinning eng yaxshi futbolchisi deb topilgan polshalik forvarddan iqtibos keltiradi Barca Universal.
