“An-Nasr” hujumchisi Krishtianu Ronaldu Yevropaga qaytishi va Chempionlar ligasida ishtirok etishi mumkinligini aytdi.
Ronaldu Chempionlar ligasi tarixidagi eng yaxshi to‘purar sifatida maxsus sovrinni qabul qilib oldi.
"Bu mukofot men uchun katta ahamiyatga ega. Chempionlar ligasi har qanday futbolchi uchun eng muhim turnir va men unda ishtirok etishdan xursand bo‘ldim.
Bu rekordlarning barchasi men uchun katta ahamiyatga ega va g‘alabalar alohida daqiqalarni yaratdi.
Men bu yerda juda xursand bo‘ldim. Chempionlar ligasidan ajoyib xotiralarim bor. Balki kelajakda bu yerga qaytaman", dedi Ronaldu Chempionlar ligasining asosiy bosqichiga qur’a tashlash marosimida.
