“Napoli” markaziy hujumchisi Viktor Osimxen faoliyatini Londonning “Chelsi” klubida davom ettirishga tayyor.

U ingliz top-klubi rahbariyatidan yaxshi taklif kutmoqda, bu haqda insayder Fabris Xokins ijtimoiy tarmoqlar orqali xabar berdi.

Jurnalistning so‘zlariga ko‘ra, nigeriyalik futbolchi faoliyatini “Chelsi”da davom ettirmoqchi, biroq maoshi kamaytirilishiga rozi emas.

O‘yinchi uchun kurashda londonliklarning raqibi Saudiya Arabistonining "Al-Ahli"si bo‘lib, Osimxenning pul talabini bajarishga tayyor.