"Manchester Siti" yarim himoyachisi Rodri Ernandes 2021 yilgi Chempionlar ligasi final uchrashuvida "shaharliklar" Londonning "Chelsi"sidan 0:1 hisobida mag‘lub bo‘lganini esladi.
"Finalda yutqazib, uyga qaytdim. Oilamni ko‘rganimda, tom ma’noda indamay qoldim. Bir so‘z aytolmadim.
Keyin o‘yladim, endi hech qachon bunday hislar boshdan o‘tkazishni xohlamayman. Men yanada qattiqroq ishlay boshladim.
Endi biz chempion bo‘lganimiz va yuqorida turganimizdan keyin hech kim o‘sha lahzani eslamaydi. Lekin tan olishim kerakki, bu mening faoliyatimdagi eng muhim bosqichlardan biri bo‘ldi", - deya Ernandesning so‘zlarini keltiradi City Raport.
