Xalqaro olimpiya qo‘mitasi (XOQ) rahbari lavozimiga da’vogarlar ro‘yxatiga yetti kishi kiritildi.
XOQ rahbari lavozimiga nomzodlarning to‘liq ro‘yxati quyidagicha: Xalqaro yengil atletika federasiyalari (Jahon atletika) assosiasiyasi rahbari Sebastyan Kou, Xalqaro gimnastika federasiyasi prezidenti Morinari Vatanabe, xalqaro velosipedchilar ittifoqi rahbari Devid Lapartian, Xalqaro chang‘i va snoubord federasiyasi rahbari Yoxan Elias, XOQ vise-prezidenti kichik Xuan Antonio Samaranch, Iordaniya shahzodasi Faysal Al-Husayn, XOQ Ijroiya qo‘mitasi a’zosi Kirsti Koventri.
Nomzodlar 2025 yil yanvar oyida Lozannada (Shveysariya) bo‘lib o‘tadigan yig‘ilishda yopiq eshiklar ortida barcha XOQ a’zolariga o‘z dasturlarini taqdim etadi. O‘shanda nomzodlarning rasmiy ro‘yxati tasdiqlanadi.