Italiya futbolida beshinchi tur o‘yinlari bo‘lib o‘tmoqda, "Yuventus" "Napoli" bilan o‘ynadi.
Turin klubining braziliyalik himoyachisi Gleyson Bremer durangni adolatsiz deb hisoblaydi.
Uning fikricha, so‘nggi o‘yinda "Yuventus" ustunlik qilgan.
"G‘alaba qozona olmaganimizdan juda afsusdaman. Biz ustunlik qildik. Ammo gol urmasangiz, g‘alaba qozonolmaysiz.
Biz to‘pga ko‘p egalik qildik, ammo yakuniy, eng muhim uzatma yetishmadi. Lekin biz to‘g‘ri yo‘ldamiz va buning uchun yigitlarni maqtashimiz kerak.
Biz xuddi shunday ruhda davom etishimiz kerak", - deya Turin klubi himoyachisining so‘zlarini keltiradi Juvenews.eu.
