"Inter" va "Tottenxem" klublari o‘yinchi almashishi mumkin. A Seriya grandlari “shporlar” darvozaboni Vikarioga qiziqish bildirishsa, “Tottenxem" esa himoyachi Benjamin Pavardga ko‘z tikmoqda.
Goal nashrining xabar berishicha, klublar kelasi yozda italiyalik futbolchini fransuzga almashtirish imkoniyatini ko‘rib chiqmoqda.
Transfermarkt portali mutaxassislari 27 yoshli Vikarioning narxini 35 million yevroga baholamoqda, 28 yoshli Pavarning narxi esa 50 millionni tashkil etadi, har ikki futbolchi ham o‘z klublari bilan 2028 yilning o‘rtalariga qadar amalda bo‘lgan shartnomalar bo‘yicha bog‘langan.
