"Manchester Yunayted" bosh murabbiyi Erik ten Xag muxlislarni sabrli bo‘lishga chaqirdi. Mutaxassisning fikricha, klub tarkibni yoshartirishga tayangan, shuning uchun zudlik bilan natija kutish noo‘rin.
"Ha, so‘nggi ikki mavsumda biz yosh o‘yinchilarni sotib olishni afzal ko‘rdik, bu bizning tanlovimiz. Ko‘pchilikda qanday taassurot qoldirganini tushunaman, chunki "Manchester Yunayted" buyuk tarixga ega klub.
Ammo bu bizning tanlovimiz va bu mavjud moliyaviy cheklovlar bilan ham bog‘liq. Biz yosh o‘yinchilarni tanladik va ayni damda ulardan eng yuqori saviyada o‘ynashini kuta olmaymiz", - deydi murabbiy.
