"Manchester Yunayted" bosh murabbiyi Ruben Amorim o‘zining tayinlanishi va 2004 yilda Joze Mourinyoning "Chelsi"ga tayinlanishi o‘rtasida umumiylik bormi, degan savolga javob berdi.
“Portugaliyalik murabbiylar dunyoning eng zo‘ri bo‘la olishlarini ko‘rsatishdi. Men Mourinyodan farq qilaman.
O‘sha vaqtni eslayman. Ular Mourinyoga qarashdi va u hamma joyda g‘alaba qozonishi mumkinligini his qilishdi.
Bu bir xil narsa emas. U Chempionlar ligasida g‘alaba qozonganidan keyin keldi, lekin men buni qilmadim.
Bugun futbol boshqacha. Men bu ish uchun to‘g‘ri odamman deb o‘ylayman. Men yosh yigitman va bu orqali o‘yinchilarga yordam berishga harakat qilaman”, dedi Amorim juma kungi matbuot anjumanida.
