"Liverpul" bosh murabbiyi Arne Slot qishki transfer oynasidagi rejalari haqidagi savolga javob berdi.
"Biz har kuni o‘zimiz qiziqayotgan futbolchilarni muhokama qilamiz, bu transfer oynasi qanchalik tez bo‘lishiga bog‘liq emas. Albatta, uch nafar himoyachining jarohati bizni xavotirga solmoqda, ular uzoq muddatga safdan chiqqani ma’lum.
Jamoamizdan juda mamnun ekanligimni bu mavsumda ham ko‘p marta aytganman. Boshqa aytadigan gapim yo‘q, agar bozorda variantlar mavjud bo‘lsa, biz batafsilroq gaplashamiz. Endi bor e’tiborimizni keyingi o‘yinlarga qaratganmiz", dedi Slot “Nyukasl”ga qarshi o‘yin oldidan o‘tkazilgan matbuot anjumanida.
