Milanning "Inter" klubi bosh murabbiyi Simone Indzagi "Bayer"ga (0:1) qarshi Chempionlar ligasi o‘yinida jamoasining o‘yini haqida gapirdi.
"Biz hujumda yetarlicha yaxshi emas edik. Bu darajadagi raqibni mag‘lub etish uchun yetarlicha o‘yin ko‘rsata olmadik. Lekin maqsadimiz o‘zgarmadi - to‘g‘ridan-to‘g‘ri pley-offga chiqish, ya’ni umumiy bosqichda kuchli 8talikdan joy olish. Va bu hali ham to‘liq amalga oshirilishi mumkin. "Bayer" bugun ajoyib o‘ynadi, yuqori tezlikda. Ochig‘i, bunday raqib bilan o‘yinda o‘z darvozangiz yaqinida xavfli daqiqalarni chetlab o‘tib bo‘lmaydi. Lekin, albatta, afsuski, biz golni o‘yin oxirida o‘tkazib yubordik" - dedi Indzagi UYEFA rasmiy saytiga.
