"Liverpul" bosh murabbiyi Arne Slot Londonning "Chelsi"si saviyasi haqida gapirdi. “Qizillar” 35 ochko bilan turnir jadvalida peshqadamlik qilishsa, “ko‘klar” bir o‘yinda ko‘proq o‘tkazgan holda 31 ochko bilan ikkinchi o‘rinda bormoqda.
"Ehtimol, "Chelsi"ga qarshi o‘yin men raqib bizdan yaxshiroq ekanini his qilgan yagona vaqtdir. Bu ularning uzoq muddatda bizdan ustun ekanligini anglatmaydi, lekin o‘sha o‘yinda ular to‘pga yaxshiroq ega bo‘lishdi va bugungi kunga qadar boshqa raqiblarga qaraganda bizga ko‘proq muammo tug‘dirishdi.
"Chelsi" mavsum oxirida qayerda bo‘ladi, bilmayman. Men bor e’tiborimni “Liverpul”ga qaratishim kerak, ammo “Chelsi” hozirgacha ta’sirchan o‘ynadi, bu aniq", dedi Slot.
