Vinisius Junior «Rayo Valyekano» muxlislariga jamoasini La Ligadan chiqib ketishini tiladi.

Kecha La Liganing 17-turida «Real» va «Rayo Valyekano» 3:3 hisobida durang o‘ynadi. Vinicius 2-taymda zaxiradan maydonga tushdi va hakam bilan tortishuvlari uchun sariq kartochka oldi.

Yakuniy hushtakdan so‘ng, Vinisius «Kampo de Valyekas» tribuna ostidagi kiyim almashtirish xonasiga ketayotib, «Rayo Valyekano» muxlislarining norozi hayqiriqlariga javob berdi. Braziliyalik tribunaga qarata ikki barmog‘i va harakat ishorasi bilan pastga ishora qildida: «Segunduga», dedi.

Eslatib o‘tamiz, Vinisius keyingi turda «Sevilya» bilan o‘yinni sariq kartochkalar ko‘payib ketganligi sababli o‘tkazib yuboradi.