"Barselona" uchun Rojdestvo ta’tillari unchalik uzoq davom etmaydi - 29 dekabr, ya’ni yakshanba kuni jamoa rasman mashg‘ulotlarga qaytadi.

Shu kuni klub futbolchilari an’anaga ko‘ra "Barselona" jamoaning yosh muxlislari bilan uchrashadilar. Ushbu yangi yil an’anasi ko‘p yillardan beri mavjud.

Eslatib o‘tamiz, “Barselona” hozir omadsiz davrni boshidan kechirmoqda, jamoa chempionatda bir necha o‘yinda mag‘lub bo‘ldi va turnir jadvalidagi peshqadamlikni qo‘ldan chiqardi – hozir u faqat uchinchi o‘rinda. Kataloniyaliklar oxirgi marta 2023 yilda chempion bo‘lishgan.