Sablyachilarimiz Kolumbiyadagi Jahon kubogini oltita medal bilan tugatishdi.

Yosh qilichbozlarimiz Kolumbiyada o‘tgan sablya bo‘yicha yoshlar o‘rtasidagi Jahon kubogi bosqichini yuqori notada yakunlashdi.

Quvonarlisi, jamoaviy dasturda ham hamyurtlarimiz muvaffaqiyatli ishtirok etib, oltin medallarga egalik qildilar.

Qizlarimiz finalda meksikalik tengqurlarini 45:20, yigitlarimiz esa mezbonlarni 45:28 hisoblarida mag‘lubiyatga uchratishdi.

Shu tariqa, yakkalik bahslari bilan hisoblaganda yurtdoshlarimiz ushbu musobaqani 3 ta oltin, 1 ta kumush va 2 ta bronza medallari bilan yakunlashdi.