"Milan" himoyachisi Davide Kalabriya yanvarda klubini o‘zgartirishi mumkin, deya xabar beradi jurnalist Nikolo Skira.

Manbaga ko‘ra, "Bolonya" 28 yoshli italiyalik futbolchining transferi bo‘yicha "rossonerilar"ga taklif bilan chiqqan. Tomonlar o‘rtasidagi muzokaralar davom etmoqda. Futbolchining o‘zi "Bolonya"ga o‘tishga rozi bo‘lgan, biroq klub va futbolchi maosh miqdori va shartnoma muddati borasida kelishmagan.

Kalabriya - "Milan" tarbiyalanuvchisi. Joriy mavsumda u klub safida barcha turnirlarda 14 ta o‘yin o‘tkazib, 1 ta gol urgan.