"Barselona"ning urugvaylik himoyachisi Ronald Arauxo qachon tibbiy ko‘rikdan o‘tishi ma’lum bo‘ldi.
Eslatib o‘tamiz, 25 yoshli futbolchi "Sevilya"ga qarshi o‘tgan o‘yinning birinchi bo‘limida (4:1) jarohat olib, maydonni tark etishga majbur bo‘lgandi. Insayder Fabrisio Romanoning so‘zlariga ko‘ra, Arauxo bugun ko‘rikdan o‘tadi, to‘pig‘idan olgan jarohati tufayli qancha vaqt maydonga tusha olmasligi aniq bo‘lishi kerak.
Eslatib o‘tamiz, joriy mavsumda Arauxo barcha turnirlarda 8 ta o‘yin o‘tkazib, bitta gol urgan va bitta golli uzatmani amalga oshirgan. "Barselona"ning navbatdagi o‘yini 17 fevral kuni "Rayo Valyekano"ga qarshi bo‘ladi.
