"Nyukasl" forvardi Aleksandr Isak faoliyatini "PSJ"da davom ettirishi mumkin. Bu haqda «Topskills Sports UK» xabar bermoqda.
Manbaga ko‘ra, "PSJ" shvesiyalik hujumchi transferi bo‘yicha "qarg‘alar" bilan muzokaralarga kirishgan. Ta’kidlanishicha, Parij Isakni sotib olish uchun maksimal darajada harakat qilmoqchi. "PSJ" "Nyukasl"ga Gonsalu Ramush, Marko Asensio yoki Randal Kolo-Muani kabi futbolchilarni taklif qilishga tayyor, deya ta’kidladi manba.
Joriy mavsumda 25 yoshli shvesiyalik barcha musobaqalarda 31ta o‘yinda maydonga tushib, 22ta gol urdi va beshta golli uzatma muallifiga aylandi.
