Xorvatiya terma jamoasi bosh murabbiyi Zlatko Dalich Fransiya terma jamoasi bilan ikki o‘yindan so‘ng Millatlar ligasidan chiqib ketish haqida gapirdi.
"Raqibni tabriklayman. Bu o‘yinda Fransiya yaxshiroq o‘ynadi. Futbolchilarim 100 foiz o‘yin berishdi. Uch kundan keyin maydonga qaytish oson bo‘lmadi. Biz himoyada bo‘lishni xohlamadik, majbur bo‘ldik. Penaltilar seriyasida omad Fransiyaga kulib boqdi", - dedi mutaxassis.
Jamoalar umumiy hisobda 2:2 hisobida durang o‘ynashdi. Penaltilar seriyasida fransuzlar aniqroq harakat qilishdi – 5:4.
