"Barselona" bosh murabbiyi Xans-Diter Flik bilan shartnomani uzaytirishga qaror qildi.
Ispaniyaning Sport nashri xabariga ko‘ra, seshanba kuni Kataloniya klubi rahbariyati vakillari agent Pini Zaxavi bilan uchrashuv o‘tkazishgan.
Ushbu uchrashuv germaniyalik murabbiyning mehnat shartnomasini uzaytirish bo‘yicha muzokaralardan iborat bo‘ldi.
"Ko‘k-anorranglilar" xo‘jayinlarining g‘oyasi shartnomani kelgusi haftalarda uzaytirish bo‘ladi. "Barselona" Flikdan juda mamnun va mavsum yomon yakunlangan taqdirda ham u bilan yangi shartnoma imzolamoqchi.
Shu bilan birga, manba yangi shartnoma katta ehtimol bilan uzoq muddatli bo‘lmasligini ta’kidlaydi.
Shartnoma yana bir yilga - 2026/2027 yilgi mavsum oxirigacha uzaytirilishi kutilyapti.
