"Lans" markaziy himoyachisi Malang Sarr agar tegishli taklif tushsa, Senegal terma jamoasida o‘ynashga tayyorligini ma’lum qildi. Bungacha futbolchi yoshlar darajasida Fransiya terma jamoasi sharafini himoya qilgan.
"Agar Senegal chaqiruv yuborsa, men rozi bo‘laman, bu men uchun sharaf bo‘ladi. Terma jamoaga chaqiruvga loyiq bo‘lish kerak, shunga intilish kerak. Buning uchun astoydil mehnat qilish kerak. Hammasi mening o‘yin darajamga bog‘liq," - deya Sarrning so‘zlarini keltiradi X ijtimoiy tarmog‘idagi Taggat akkaunti.
Futbolchi turli yosh toifalarida Fransiya terma jamoasida o‘ynagan. Uning ota-onasi Senegal fuqarolari hisoblanadi.
