"Atletik" vingeri Niko Uilyams "Barselona"ga o‘tishga yaqin turibdi. Bitim tashabbuskori agent orqali o‘tishdan manfaatdorligini bildirgan o‘yinchining o‘zi bo‘lgan. Shundan so‘ng Kataloniya grandi masalani hal qilishga jiddiy kirishdi. Jurnalist Xose Alvaresning ma’lum qilishicha, muzokaralar reja bo‘yicha ketmoqda. Ikki-uch hafta ichida "ko‘k-anorranglilar" 58 mln yevrolik tovon pulini faollashtirib, transferni yopishi kutilmoqda.
"Barselona" Niko Uilyamsni o‘tgan yozda ham o‘z safiga qo‘shib olishga urinib ko‘rgan, ammo o‘shanda futbolchi "Atletik"da qolishga qaror qilgandi. Basklar hujum chizig‘ining 22 yoshli yetakchisiga "Bavariya," "Arsenal" va "Chelsi" ham qiziqish bildirgandi.
