Vyetnamda U23 yosh toifasidagi sport kurashlari bo‘yicha Osiyo chempionati o‘z yakuniga yetdi.
Quvonarlisi, unda O‘zbekiston o‘smirlar terma jamoasi muvaffaqiyatli ishtirok etdi.
Musobaqaning so‘nggi kunida erkin kurash bo‘yicha o‘tgan bellashuvlarda Umidjon Jalolov va Zafarbek Otaxonov kumush, Sadriddin Daminjonov bronza medalini qo‘lga kiritdi. Shu tariqa mazkur qit’a birinchiligini erkin kurashchilarimiz 3 tadan kumush va bronza, yunon-rum kurashchilarimiz 2 tadan oltin va kumush hamda 3 ta bronza, ayollar kurashchilarimiz 3 ta bronza bilan yakunladi.
Endi mazkur davlatda 17 yoshgacha bo‘lgan polvonlar o‘rtasida Osiyo chempionati bo‘lib o‘tadi. Ushbu birinchilikda ham O‘zbekiston terma jamoasi eng sara kurashchilar bilan ishtirok etishi kutilmoqda. Bahslar 23 iyun kunidan boshlanadi.
