O‘tgan hafta Dirk Kuyt murabbiylik ishidan ayrildi. "Beersxot" Belgiya futboli oliy divizionidan tushib ketganidan so‘ng, Kuyt jamoa bosh murabbiyligidan bo‘shatildi.
Kuyt tezda yangi ish topdi. 44 yoshli mutaxassisning jamoa boshqaruvi lavozimiga tayinlangani haqida Niderlandiyaning "Dordrext" klubi ma’lum qildi. Kuyt bir mavsumga hisoblangan mehnat shartnomasini imzoladi.
"Dordrext" Niderlandiyaning ikkinchi o‘rindagi futbol divizionida o‘ynaydi. O‘tgan mavsumda jamoa beshinchi o‘rinni egallagan, ammo keyin pley-offda mag‘lub bo‘lgan va Erediviziyaga chiqa olmadi.
