"Manchester Yunayted" katta ehtimol bilan transfer rejalarini qayta ko‘rib chiqishiga to‘g‘ri keladi. Markaziy hujumchi pozisiyasini kuchaytirish "qizil iblislar"ning yozgi mavsumdagi asosiy vazifalaridan biri sanalgandi, ammo o‘zlari istagan futbolchilarni qo‘lga kiritishning imkoni bo‘lmadi. Jurnalist Kris Uilerning yozishicha, mankunianliklar rahbariyati jamoaning 2025/26 yilgi mavsumni yangi hujumchisiz boshlashiga rozi bo‘lgan.
"Manchester Yunayted" Lissabonning "Sporting" klubidan Viktor Dyokereshga da’vogarlik qilgandi, ammo shvesiyalik Londonning "Arsenal" klubini afzal ko‘rdi. Shuningdek, Manchester grandi Benyamin Sheshko, Nikolas Jekson va boshqa ko‘plab hujumchilarga qiziqish bildirgan.













