"Chelsi" tizzasidagi xochsimon bog‘lamini yirtib yuborgan Levi Koluillning jarohati tufayli yangi markaziy himoyachi bilan shartnoma imzolash bo‘yicha "favqulodda reja"ni ishga solmadi. Bu haqda jurnalist Fabrisio Romano X ijtimoiy tarmog‘idagi sahifasida ma’lum qildi.

Manbaga ko‘ra, London klubi hozirgi tarkibga to‘liq ishonmoqda, jumladan, o‘tgan hafta jamoaga qanot himoyachisi va markaziy himoyachi sifatida o‘ynay oladigan Yorrel Xato kelib qo‘shildi.

O‘tgan mavsumda Kolvill barcha musobaqalarda 43 ta o‘yinda maydonga tushib, 2 ta gol va 2 ta golli uzatmani amalga oshirdi.