"Yuventus" yarim himoyachisi Duglas Luis faoliyatini "Nottingem Forest"da davom ettiradi.
Bu ma’lumotni insayder Fabrisio Romano tarqatdi. Manbaga ko‘ra, to‘liq kelishib olgan.
27 yoshli braziliyalik futbolchini xarid qilish "o‘rmonchilar"ga 30 million yevroga tushadi, biroq bir yil avval "Yuventus" yarim himoyachi uchun "Aston Villa"ga 50 milliondan ko‘proq pul to‘lagandi.
Agar hammasi rejadagidek ketsa, Luis bugun Angliyaga uchadi, payshanba kuni esa tibbiy ko‘rikdan o‘tadi, deya ta’kidlaydi manba.
