«Manchester Yunayted» va «Betis» braziliyalik hujumchi Antonining transferi bo‘yicha kelishuvga erishishdi. Ispaniya klubi uning uchun 25 mln funt (28,7 mln yevro) to‘laydi.
Shu bilan birga, «qizil iblislar» vingerning kelgusi transferi amalga oshsa, 50% ulush oladi. Hozircha Antoni «Betis» bilan shaxsiy shartlari bo‘yicha kelishib olishi lozim. Bu haqda jurnalist Ben Jeykobs ijtimoiy tarmoq X sahifasida xabar berdi.
O‘tgan mavsumning ikkinchi qismida hujumchi «Betis» safida ijara asosida harakat qilgan edi. U shu muddat ichida turli musobaqalarda 26ta uchrashuvda maydonga tushib, 9ta gol va 5ta golli uzatma qayd etdi. Futbolchining «Manchester Yunayted» bilan amaldagi shartnomasi 2027 yil yoziga qadar mo‘ljallangan. Transfermarkt ma’lumotlariga ko‘ra, Antonining bozor narxi 35 mln yevroni tashkil etadi.













