Jamal Musiala jarohatida Janluiji Donnarummani ayblamaydi.
Iyul oyi boshida "Bavariya" yarim himoyachisi klublar o‘rtasidagi JCH 1/4 finalidan o‘rin olgan "PSJ"ga qarshi o‘yinda (0:2) darvozabon bilan to‘qnashib ketib, kichik boldir suyagini sindirib olgandi.
"Oyog‘imda hammasi joyida, tiklanish reja bo‘yicha ketmoqda. Menga endi qo‘ltiqtayoqning keragi yo‘q, lekin men shoshilmayman - har bir kun foydali bo‘lishini istayman.
Dastlabki bir necha hafta psixologik jihatdan oson kechmadi. Ammo keyin tushundim: vaziyatni o‘z holiga tashlab qo‘ysam, hech narsa o‘zgarmaydi, xotirjamlikni saqlashim kerak. Jarohatdan so‘ng darhol biroz to‘xtashim kerak edi. Operasiya qilinmagunimcha bir necha kun ijtimoiy tarmoqlardan foydalanmadim.
Men Donnarummani ayblamayman. Bunday holatlar bo‘lib turadi, buning ustiga u o‘sha voqeadan keyin menga qo‘ng‘iroq qildi," - dedi Musiala Bild nashriga bergan intervyusida.
